നെടും ചെവിയന്റെ ഇംഗ്ലീഷിലെ പേര് Long-eared Owl എന്നും ശാസ്ത്രീയനാമം Asio Otus എന്നുമാണ്. നാല് ഉപവിഭാഗങ്ങളുണ്ട്. യൂറോപ്പ്, ഏഷ്യ, വടക്കേ അമേരിക്ക എന്നിവിടങ്ങളില്‍ കാണുന്നു. ഭാഗികമായി ദേശാടനം നടത്താറുണ്ട്. നീളന്‍ ചെവിയുള്ള ഇടത്തരം വലിപ്പമുള്ള ഇവയ്ക്ക് 31-40 സെ.മീ നീളമുണ്ട്. ചിറകിന്റെ രണ്ടറ്റങ്ങള്‍ തമ്മില്‍ 31-40 സെ.മീ. അകലമുണ്ട്. 175-435 ഗ്രാം തൂക്കമുണ്ട്. പെണ്‍പക്ഷിക്ക് ആണിനേക്കാള്‍ വലിപ്പമുണ്ട്. ആണിനേക്കാള്‍ കടുത്തനിറമാണ പെണ്‍പക്ഷിക്ക്.
ഇവയുടെ പ്രജനനകാലം ഫെബ്രുവരി മുതല്‍ ജൂലായ് വരെയാണ്. കാക്ക, ഓലഞ്ഞാലി എന്നിവയുടെ പഴയ കൂടുകളാണ് ഉപയോഗിക്കുന്നത്. 46 മുട്ടകളിടും. 25-30 ദിവസം മുട്ടവിരിയാന്‍വേണ്ടി വരും. തുറസ്സായ സ്ഥലങ്ങളിലാണ് രാത്രി ഇരതേടുന്നത്. കരണ്ടു തിന്നുന്ന ജീവികളും ചെറിയ സസ്തനികളും പക്ഷികളുമാണ് ഭക്ഷണം.
No comments:
Post a Comment